Handbalvereiniging Bliërick is gruuëts det dreej echte HVB-ers, de gebroeders Leenen, aafgelaupe wiekend zien oetgeroope tot ut nieje trio van vastelaoves vereiniging De Wortelepin in Bliërick.
Prins Bart II is al 30 jaor lid van ôs vereiniging en in mierdere hoedanigheden actief beej ôs vereiniging. Hae is al jaorelang eine mier dan betrouwbare sloetpos van Hiere 1 en sluut auk vaker dan ens de kantine. Bovendien is hae bestuurslid en traint same met ald-prins Bart I, de jongens B1. Zien jongste broor, adjudant Roel is same met Hoegheid Bart II ut slot op de deur beej Hiere 1 en zien aldste broor, adjudant Joep, is begeleider van de jongens E1 en in det team speult alweer de volgende generatie van de femilie Leenen; zoon Bas.
Al met al vertegenwoordigen deze dreej breurs hiel wat jeurkes HVB beejein. Tiedes de Swaree, waor Prins Bart II en zien adjudanten Joep en Roel woorde oetgeroope, leepe dan auk vuul HVB-ers ontzettend trots rond want det zien toch auk waal ein bietje ôs jongens. Zeej hebbe de vastelaovend met de paplaepel ingegaeve gekraege vanoet de Femilie Leenen. Ein Femilie die idder jaor (al mier dan 30 jaor lang) met d’n optocht in Bliërick mei trek. Bovendien waas vader Coen in 1990 al ens adjudant beej zien broor Lambert I same met zwaoger Ruud. We kinnen dus waal stelle det die jonges weite wie men ein fesstje mot viere en daor kinne we in de kantine van HVB euver mei praote.
Namens ut bestuur en alle leeje van HVB wille weej Prins Bart II met zien adjudanten Joep en Roel eine onvergaetelikke vastelaovend winse, weej verheuge ôs al op eine prachtige tied waorin geej veurop got en gans Bliërick flink op de kop zult zette !
Vastelaovend same !
prins druugwors